Milanoviq: U bë shprehi që Maqedoninë ta “shutojë” gjithsecili

22:16 | 20 Maj 2021
A. B.

Presidenti i Republikës së Kroacisë, Zoran Milanoviq pas reagimit të Sofjes zyrtare tha se Maqedonia e Veriut i përmbushi të gjitha kushtet demokratike për nisjen e bisedimeve për anëtarësim në BE, por u bë shprehi që vendi “të shutohet” nga secili.

“Kjo s’është në rregull. Ai shtet, ai popull deri tani paguan çmim të shtrenjtë. Ata u përmbahen rregullave dhe janë shembull. Përmbushën të gjitha kushtet demokratike”, tha Milanoviq.

Ai rikujtoi se Maqedonia e Veriut ka ndryshuar edhe emrin me kërkesë të Greqisë.

Ndryshe, gjatë ditës së djeshme, ambasadorja e Kroacisë në Bullgari u thirr për bisedë në MPJ-në bullgare për sqarime rreth deklaratës së Milanoviqit./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm